Спортот обединува: Успешно одржани традиционалните игри на БОФОС Србија – 2026, Кладово
Во пријателска и натпреварувачка атмосфера, традиционалните спортски игри на БОФОС Србија во 2026 година се одржаа во прекрасниот град Кладово, Србија. Настанот повторно ги обедини синдикалните членови од целиот регион, привлекувајќи учесници од Србија, Македонија, Црна Гора, Босна и Херцеговина, Хрватска, Бугарија, како и од други европски земји, покажувајќи дека спортот не познава граници.
Гордост е што и оваа година активен дел од игрите беа и членките на СФОМ. На игрите учество земаа екипи и претставници од Стопанска банка АД Скопје, Комерцијална Банка АД Скопје и НЛБ Банка АД Скопје, кои со својот спортски дух, ентузијазам и посветеност придонесоа за уште едно успешно издание на оваа традиционална манифестација.
Покрај спортските натпревари, настанот понуди и можност за дружење, поврзување, размена на искуства и зајакнување на регионалната соработка меѓу синдикатите и вработените во финансискиот сектор.
