Топол оброк за секого
“Ретвитни оброк” е граѓанска иницијатива чија што главна цел е да овозможи оброк за секого. Овој пат , поддржани од синдикатот на Халкбанка АД Скопје зготви и подели повеќе од 250 оброци наменети за сиромашни и бездомни лица.
Обезбедувањето на намирниците беше целосно финансиски реализирано од страна на Синдикатот, чии членови се погрижија и ги искористија своите кулинарски способности на дело за да го подготват саботниот оброк за оние кои имаа потреба од него.
“Ова е само една од хуманите акции во кои се вклучи нашата организација. Се надеваме дека во иднина ќе имаме можност да поддржиме многу вакви и слични иницијативи” – велат од нивното членство.
Преку забава до поголема мотивација
Една од задачите на синдикалните организации е да се грижат за вработените и нивното задоволнство во организацијата во која се развиваат.
Како дел од активностите со кои Синдикатот на Халкбанка го поттикнува тимскиот дух беше и организација на викенд- прошетка за своите вработени во Белград. Членовите , воедно и организатори, цврсто веруваат дека заедничкото дружење ќе придонесе за зголемување на чувството на припадност во институцијата што пак, директно влијае врз мотивираноста и задоволството од работа.
Семинар на тема “Перспективи во банкарството/важноста на вработените за нови инвестиции ” во организација на СО при Халкбанка
Вработените се еден од најважните фактори во инситиуциите. Тие одредуваат голем дел од успехот и се директен фактор во градењето на успешна приказна и иднина на една компанија.
Со цел укажување на важноста на своите вработени, разјаснување на дилеми и споделување и дискусија околу одредени проблеми во односот на “менаџмент – вработен” СО при Халкбанка на 03.10.2018година организираше полудневен семинар на тема “Перспективи во банкарството/важноста на вработените за нови инвестиции “
Главни говорнци на оваа тема беа
Д-р Билал Суџубаши – Главен извршен директор во Халк банка АД и
Кристина Спироска – Директор на човечки ресурси во Халк банка АД кои го споделија своето искуство, мислење и знаење со присутните.
Семинарот беше од отворен карактер , достапен за членови на сите синдикални организации-членки на СФОМ, со претходно најавено присуство.
Семинарот заврши со коктел на кој присутните дополнително можеа да разменат впечатоци како и идеи за понатамошни вакви и слични настани
СО при Халкбанк со подобрени услови за своите вработени
Вработените и нивното задоволство е она што ги сплотува Синдикатот и раководството во една иституција . Заедничката соработка и непрекината комуникација може значително да ги подобри условите во кои таа институција фунцкионира . За таа цел, синдикатот при Халкбанка, по неколкукратно преговарање со менаџментот на Банката, успеа да се избори за дополнителни привилегии за свите вработени. Како дел од предлозите кои беа прифатени се дополнителни денови за годишен одмор, денови за селење како и слободни денови за (магистрирање, дипломирање и сл) Горди на својот постигнат успех, членовите уверуваат дека промените за подобрени услови за своите вработени ќе следат и понатаму.
СО при Халкбанк со слатко новогодишно изненадување за најмилите
Како и секоја година, така и оваа, СО ПРИ Халкбанка подготви слатки новогодишни изненадувања за децата на своите членови.
Целата организација беше во соработка со Одделот за односи со јавност а новогодишните пакетчиња ја надополнуваа бајковитата новогодишна претстава.
Практика на овој синдикат е секоја година да ги израдува децата на своите вработени на посебен начин, но секоја година без исклучок, дел од изненадувањата се новогодишните пакетчиња.